مساكم الله بالخير جميع ..
وحنا نسعسع في التحليه اليوم بعد المغرب وفجأتن لقينا زحمة
عاد حنا مانحب اللقافه ابد ..!
قلنا خلنا نوقف ونشوف وش السالفه
وأذ فجأتن طلع افتتاح متجر الهلال اليوم ..!
والعالم والاعلام .!!
المهم ان حنا وقفنا معهم نحتري الافتتاح ..
ولفح وجيهنا البرد .. والافتتاح عيا يبدا .!!!
وشوي الا طويل العمر عبدالرحمن بن مساعد نازل من الـ ماي باخ .. عاد الله يهديه مالقى يجي الا يوم اذن العشاء .!!
وتم افتتاح المتجر الخاص لـ منتجات نادي الهلال
حاولنا ندخل مافيه امل ولقطت لكم ذي الصوره على الطاير بجوالي المحترم ومشيت .!!
وحسب ماسمعت انه المتجر الوحيد في الدول العربيه المخصص لـ نادي .!
يعني زين قدرنا نسبق الامارات وقطر في شي .!
وبس
وان شاء الله نزوره في وقت لاحق .. ونتقضى منه ان كانه رخيص وقابل للمكاسر
بالتوفيق للزعيم ..
ايه مريت اليوم جنبه وشفت الزحمه ما شاء الله
ردحذفمن الزحمه في دوريتين مرور ينظمون السير قبل وعند المتجر ،، بالتوفيق لهم ونتمنى اسعار معقوله ومقاضاة من يبيع بضاعة مقلده لهم واخذ الموضوع بشكل جدي ،، حفظا لحقوقهم
فديت الزعيم ما أحلاهـ !!
ردحذفعسآك بس صليت :)
متشكرين
اكيد .. لو ماصليت كان طولت في الافتتاح وصورت لكم كلش .!!
ردحذف:)
العفو ..~
وحياك .!!